DUIT MIA GAWAI

Gawai nyau ka datai, 18 ari agi, kira ke dua minggu da agi. Sigi maioh utai ka dibeli maia Gawai tu ila. Tu kira ke list aku:

1. 1. Ai bisa (mesti)
2. 2. Utai empa (ruti sereta manuk/jani)
3. 3. Ai urin (beri agai nembiak aja)
4. 4. Baju baru (anak/bini)
5. 5. Perengka kena BBQ (bedau bisi aku)
6. 6. VCD joget gawai (nama lagu joget top taun tu?)
7. 7. Selipar spare (tiap taun lenyau belama bai ngabang)
8. 8. Open House??

Tang nama kena meli utai tu? Duit magang nya kaban... sigi meri ke cina magang maia Gawai tu ila. "Lai2 apa mau kawan, ada manyak beer..stella, tiger... boleh kasi lu murah..". Sebaka gak rega ya enggau kedai bukai taja madah ka meri murah. Ia ke bisi maioh bala serumah, ngelu mimit pala mikir blanja, meli nya meli tu.. bini ka meli emas temaga pirak, anak ka meli baju gaban, indai ka meli tanchut jeans ("nyamai kena bejugit wat"), apai minta kirim ai bisa ("beli ke memanah wat, level 5 tau meh.."). Akaidai.. nyau melayang beratus duit. Sebulan gaji ambis meh enti enda nemu ngadu ke pejalai duit. Nya meh kaban, enti enda bakatu enda rami ga gawai kitai. Laban ke setaun sekali, enda ngachau gak. Ngarap ka maioh gik rejeki taun tu, ulih ga ngaga open house besai gi taun nyin ila. Nya meh kaban, duit ulih digiga kitai tang pengerindu kitai enggau bala apai indai, menyadi sereta anak bini ke paling penting. Tang, nemu2 lah nusun ke belanja kita, anang kelalu rua, anang ga kelalu kedekut... (gawai 2000, indai aku nyadung ai chelap ngagai temuai, sangka ai langkau laban ke sama warna. udah temuai pulai baru nemu nya ai chelap! Mati nyawa kumbai urang kedekut kamati! Hahahaha).

Ok kaban, mupuk dulu aku. Pegila berandau agi. Sama2 kitai nganti ari ke manah tu enggau ati ke sabarrrrr. Ngagai semua kaban blog, kaban belayan, menyadi, apai indai, anak bini, mentua, ipar, petunggal.. "Selamat Ari Gawai, Gayu Guru Gerai Nyamai!"