NAMA HITA KUA!

Selamat pagi/ngalihari/malam ngagai bala temuai. Berasai gaga ati aku saritu laban diberi peluang ngemantaika penemu ke ndak seberapa tu ba beluk(blog) tu. Arap semua bala temuai ulih duduk jenuh, bai2 ka ai semetak awak ka ulih ngelantang ka ati lebuh macha cherita aku tu legi. Bala temuai, kitai nemu ba menua Sarawak tu sigi mayuh pupu raban bansa. Bisi Cina, Tambi, Laut enggau majority ianya bansa Iban. Enti kitai merening bebendar leka jaku bansa Iban, iya lebih kurang sama engai leka jaku bahasa.

Chunto:
Rumah(iban) – Rumah(bahasa)
Makai(iban) – Makan(bahasa)

Tang, ba segmen ke sekali tu aku ukai ka becherita pasal nya tang pasal leka jaku iban ba siti2 endur. Kali tu aku ka milih siti endur ka enda jauh ari pasar Kuching ianya Kota Samarahan. Leka jaku tauka tiun jaku iban ba endur tu sigi lain bendar ari jaku iban stindit (standard). Bahasa iban tu biasaya dikangau urang “Iban Kua” (sama baka jaku iban Lundu). Tiun tauka penyampat siti-siti leka jaku sigi lain bendar. Uji perati ka chuntu ba baruh tu:

Iban Stindit – “Kini nuan bejalai apai Dom?” (03 saat)
Iban Kua – “Kini kua(k) bejalai aba(k) Dom?” (02 saat)

Enti kitai merati ka reti tauka leka jaku dua endur tu, bisi leka-leka jaku ke enda sebaka tauka chara kitai nyebut iya.

Chuntu:
Iban Stindit – Rumah
Iban Kua – Humah

Perati ka leka jaku Rumah, enti disebut ba Iban kua, uruf “R” ditukar ngagai uruf “H”. Kati baka tiun iya?

Rumah – Humaih(ditanda ngena uruf i)

Uji sebut enggau jampat. Enti lubah, tiun iya enda sebaka tauka nyadi enda chun. Ok, pelaba aku bisi bala temuai nguji-nguji dia. Belubah auk. Kitai meda translate jaku iban stindit enggau kua.

Chunto:

1. Nuan/Dik - Kua
2. Rumah – Humah(i)
3. Kerita – Kehita
4. Talipaun – Telipun
5. Umai – Uma
6. Kereja – Keheja
7. Diniari – Diniahi
8. Ngirup – Ngihup
9. Cherita – Cehita
10. Raun – Haun
11. Lapar – Lapah(i)
12. Mirah – Mihah(i)
13. Karam – Kaham
14. Rachun – Hachun
15. Pasar – Pasah(i)
16. Rami – Hami
17. Urang – Uhang(i)
18. Kemari – Kemahi
19. Perut – Pehut
20. Sari - Sahi

Kita ulih merati ke chara ngaga ayat ngena leka jaku iban kua. Perati ke randau seduai Jemali engau Uchak.

Jemali : Kini kua bejalai Chak?
Uchak : Eh, ka haun ke pasah besai. Bisi hami uhang din. Hugi kua adai meda.
Jemali : Apu… kua adai madah ngagai aku kemahi… Aku bisi keheja tok..
Uchak : Aku ni tau kua bisi keheja sahi tok..
Jemali : Adai hal gak… lain ahi. Pulai lok, lapah pehut aku tok.

Nya tadi kita udah merati ke leka jaku tu. Arap kita bala temuai ulih belajar tauka nguji-nguji ngena leka jaku tu lebuh maia kita bisi raun ke Kota Samarahan. Nya aja ari aku, betemu baru ba ari bukai. Assapaiiii….