UDAH SEDIA KE ENDA?

Jam 9 pagi tadi, leboh ke bz ba mua kumpita, memunyi talipaun ari numbur ke enda dikelala. Saut aku sereta nanya "Siapa tu?". "Aku tuk S/Inspector Gihe enda ingat agi nuan?". "Ooo SI... ingat aku ke nuan" saut aku.

SI tu siko ari student aku ke belajar kumpita ba Training center endor aku gawa, cigu meh ko sida ngagau aku tajapan nyelai amai didinga. Umur ya nyau ka 50, enda lama agi ka pincin. Sigi lama enda ninga berita ari SI tu nyau udah setaun. Sempat ga tudah meri selamat gawai, iya madah ke diri enda nyambut gawai taun tu laban urang tuai iya nadai maya nya. Mayuh ga randau kami duai, iya nanya aku berapa udah anak aku.. aku madah ke baru siko...


Keujung-ujung kami duai berandau iya lalu madah ke chara peninduk anak lelaki enggau indu. Enda meh aku nemu pasal utai tu laban nadai kala urang madah. Iya madah ke utai tu sigi dipadah ba dalam bible. "Ndak nemu nuan pasal utai tuk dik cigu?" "Ndk nemu ku saut aku.." "Bisi padah ba bible, nda kala macha nya nuan?" tanya ya baru. "emmm.. lama dah ndak macha.." saut aku. Laban ke bekerja2 aja enda meh teingat ka muka bub bible, semina ari minggu leboh semiang aja meh. "Cigu... kitai kristian mesti ka macha bup bible enti bisi masa.. kati enti Ya ka ngambi kitai pegila udah sedia nuan?" ko SI. Diau nda lama aku ninga jaku SI tu... Lalu segera asai ati tak lain macham.. baka ka bisi utai lekat ka dada.

Udah abis talipaun, aku duduk lalu berunding... berunding ke pengidup, pengidup ba dunia. Udah sedia ke enda aku? Udah abis penemu ke diajar Ya dipelajar aku? Udah tembu utai ke diasoh Ya digaga aku? Udah beresi ati aku ari semua dosa? Pemayuh reta duit ulih kena mayar utai tu? Tiap2 ari nurun kereja, kati bisi lantang ati gawa? Akaidai... nyau baka kempita ke kena virus.. "File missing/effected". Enti kumpita sigi udah diformat aku ya tadi. Pemayuh reta enda meh ulih ngelantang ke ati, enti kitai enda ingat ke ajar Ya. Nya meh.. kitai idup ba dunia, enti ati gaga, idup senang lantang, mayuh duit ringgit, anang meh kitai nda ingat ke Tuhan. Ya meh ke meri kitai semua utai tu. Semua utai datai ari iya, iya ulih ngambi pulai baru. Sigi amat tu.. mayuh kitai ninga cerita urang kaya nemu nyadi miskin, urang miskin tau nyadi kaya. Nama kebuah?

Nya meh, ngasai ke diri kelalu udu gawa lalu enda ingat ke utai tu, amat manah bisi urang remind, ngasuh aku dani ari tinduk. Tinduk ke ulih ngasuh kitai tesat, tesat ba jalai ke mayuh simpang.........