BELAJAR NGETUK2 KEYBOARD

Kala kita meda ba TV tauka ngagai urang becara ba makamah? Bisi kita meda siku indu duduk ba tisi hakim, ba mija ya siti "typewriter" tauka jeman diatu "laptop"? Perati ke nama diagaga kaban tuk? Iya semina natuk2 keyboard aja, ninga randau urang ke becara lalu naip tiap leka jaku urang nya. Peda penyampat jari ya nekan keyboard, sigi setak2 munyi. Sebaka mega enti kita meli lumur 4d, peda jari sida nekan lumur sigi setak2. Nya meh skill ko urang putih, skill naip jampat. Bah skill2 gak tang cerita meh kati baka ka naip enggau berskill deh?? Utai ti diperlu nuan ianya keyboard enggau kempat ke pandak dulu kuku jari nuan. Enti udah kitai tau setat.

Sebedau kita setat ditu aku ka madah ianya keyboard bisi dua jenis ianya "Qwerty" enggau "Dvorak". jenis qwerty tu sigi dikena kitai ba malaysia tang dvorak tu nadai bisi dikena kitai ditu. Ok, uji perati ke keyboard nuan, peda ba key "F" enggau "J", uji engkah ke jari nuan ba key nya, bisi nuan ngasaika bisi tanda? Nya meh "mark key" alai endur nanda jari nuan. Reti ya jari nuan enda tau sesat sereta nuan nemu dini endur jari nuan.ok, diatu kitai meda endur jari nuan. Jari nuan mesti sentiasa ba "Middel". "Upper" enggau "Lower" semina posisi enti nuan nekan key nya tang mesti pulai baru ke posisi "Middle".

QWERTY keyboard

(Middle)

(Upper)

(Lower)

Enti udah nemu dini endur posisi jari nuan, diatu kitai tau setat belajar naip.

1. Susun jari nuan ba posisi "Middle"
2. Ingatka posisi nya, uji angkat jari nuan lalu susun baru. Ulang sampai nuan ingat sereta ulih nusun jampat jari nuan.
3. Setat belajar naip ari a-s-d-f , j-k-l. Gaga beulang2 sampai jari nuan jampat( " -" retiya spacebar).
4. Pas nuan lumur 3. diatu taip a-s-d-f-g , l-k-j-h. Gaga sama baka lumur 3.
5. Taip key campur2 ianya a-d-h-j, a-j-l-d, d-g-k-s, g-h-a-k-j...
6. Pas nuan ba middle diatu ngagai shift key.
7. Enti nuan nekan key ngena jari kiba, shift ba kanan tekan nuan, bakanya meh enti nuan ngena jari kanan, shift ba kiba ditekan nuan. Uji taip tu: A-S-D-F-G-L-K-J-H, A-j-K-L-d-S-H-G-k-s-A (ukai semina chunto tu, nuan tau ngaga kediri empu mega).
8. Ok, diatu kitai meda ba "Upper", perati ka finger layout ba atas. Uji taip: q-w-e-r-t-y-u-i-o-p, p-o-i-u-y-t-r-e-w-q (anang enda ingat jari nuan pulai baru ngagai posisi "Middle")
9. Enti jari nuan udah pas ba "Upper" diatu kitai tau nyampur "Upper+Middle". Uji chunto tu: w-a-s-t-e, q-e-s-s, y-o-u, h-o-o-p, w-a-i-t-r-e-s-s, a-d-j-u-s-t-e-r, p-o-l-i-t-e (tau uji ayat bukai ke bisi ngena key "Upper+Middle"
10. "Upper+Middle" udah pas.. kitai meda "Lower" agi. Perati ka finger layout (Lower) ba atas. Uji chunto tu: z-x-c-v-.-,-m-n-b , .-,-m-n-b-z-x-c-v , c-b-z-m-,-v-x-.-z-n , b-c-v-m-x-,-z-.
11. Diatu kitai nyampur ke "middle+lower". Uji chunto tu: h-a-z-a , j-a-z-z , n-j-x-d-z-h-v-a-,-l-f-. , b-v-h-x-,-a-c-m-n-l-.
12. Next, nuan udah pas upper+middle, middle+lower, diatu kitai nguji upper enggau lower. Uji chunto tu: union , rece, brew, cut, room, more, core, zet, xrt, new, power,cute, tower, vote,cop, your,
    
13. Last sekali, udah pas ketiga2 tu tadi, uji campur sekali, gaga ayat lengkap. Chunto ayat : The quick brown fox jumps over the lazy dog. Taip memayuh, sampai seribu pan ndak ngawa, mayuh ditaip nuan, jampat ga nuan nemu sereta skill nuan pan makin stidi!

Ha, nya ya tadi, kati baka? Bisi sesetak munyi keyboard ditekan? Nadai agi nyau bendar begiga ke key ke ka ditekan. "Ni urup "J" tuk... enda temu... "U" ba dini... " nadai agi baka nya neh. Lelubah meh, anang beguai, legi kelalu beguai enggaika manas kediri enda pas2.. ujung2 dempas keyboard nya legi.. Selamat nguji meh kaban!