TUSAH ATI NUPI KUDA

Taun 2008, mayuh macam utai nyadi taun tu. Ngelu pala mikir. Manah ndak ibuh mikir tang terpaksa ga dipikir. Kin kia bisi jak hal. Duduk jenuh ba rumah nadai ga utai ke ulih. Bejalai lagi muai duit ke lebih.

Pedis enti bisi nupi jelu kuda tu.. Suba niang puyang kami bisi nupi kuda, enda ga rua pemakai ya.. ulih ngempa rumput sengapa. Tang diatu kuda tu ka makai nyamai aja. Diberi ai chelap ka minta ai gis. Diberi rumput ka minta "sea weed". Suba kuda niang aki aku tinduk ba baruh pun koko aja, tang diatu ba mua pintu. Suba kuda niang aki aku enda ditancang tali ba rekong enda meh lenyau tang diatu enti enda dirantai sereta dipagar sigi lesap dicuri urang.

Enti dijual legi nadai ga rega, tang enti meli setengah mati bejual ke reta. Minta tulung perintah enda ga perintah nemu nulung. Suba mada enda niki ka rega pemakai kuda, diatu ditiki ka.. madah urang ba menua sepiak udah niki ke rega "sea weed".. pedis ka nyelam ba tasik ngiga utai tu. Amai kini? Kati ba menua kitai ditu nadai utai nya? Bisi ga dipeda aku bala tokey laut bejual ke utai tu bekilo2 ngagai tokey arab ba dockyard. Apu.. kati kena bula kitai tu. Kena bula idup2 meh tu. Patut bala bisi peda aku bebaris ba kedai mamak ngambi "hamper" beri perintah... ngambi ati mensia kelupa ke rega "sea weed" udah niki.

Oh, nemu meh aku ulah baka tu... Patut sida madah anang kelalu nupi Kuda, enti ka beguna kena bekebu ulih nginjau gajah ari kumpeni cina.. bayar siwa. Tang pedis amai ka meda gajah ba ditu laban kumpeni tu bisi ba kucing aja. Bisi ga ruri ke mai Gajah tu bejalai kitu tang enda ga selalu. Enda ulih guna idea tu... Kitai kena tipu agi!

Kati sida ya ulih ngena kuda ke bekasut emas? Beceremin mata chelum? Kaban aku suba ngasuh kuda ya ngena cheremin mata chelum, diasuh Tuan Sahab buka. Peiiii! Kuda sida ya ukai kuda baka engkitai.. engkitai nyau kurus kering kuda.. sida ya kuda dibeli ari menua ribai, jipun.. Engkitai kuda ke dibeli ari kumpeni bansa sida ya ke kelalah gawa.. enda entu diberi makai ndar. Legi baru dikena peniga bulan alu sakit lengit! Duit agi!

Apu.. ndak ulih bakatu.. makin ari makin pedis isi. Baka tu aja manah. Jual aku kuda aku tu, alu meli anak janik ari tokey Wong.. Nupi jani manah, enda rua pemakai!! Awak sida ya meda anak janik peniga iku parking ba depan rumah aku......