DJ

Tumu pagi ba program radio Iban... (background music: Apache-The Venture)

Peninga 1

DJ: Selamat pagi Yfm, sapa bejaku tu?
Wai: Elo DJ! Selamat pagi! Puas amai nguji talipaun tang enda ulih belama..
DJ: Auk, sigi baka line ditu.. sibuk.. mm padah ke pesan nuan auk..
Wai:Ok.. Ka nyampai ke pesan berat tu dj..
DJ: Terus ke dia meh wai..
Wai: Aku Indai Dom ari Rumah Unting, Sungai Bulu deka nyampai ke pesan madahka Aki Juni raya bendar sakit........ minta anak iya pulai... Nya aja trima kasih DJ!
DJ: Sama2.. (sapa nama wai tu tadi? Indai Dom???)

Peninga 2

DJ: Selamat pagi Yfm, sapa tu?
Igat: Apai Mang tu..
DJ: Terus ke pesan nuan apai Mang..
Igat: Ka minta lagu DJ, bisi lagu "Bekikis bulu betis?"
DJ: Minta ampun apai Mang, kitai ba segmen pesan berat tu, enti ka minta lagu nganti jam 9 legi auk..
Igat: ... Tut..tut..tut (talipaun diletak)

Peninga 3-ba program minta lagu

DJ: Selamat pagi Yfm, sapa tu?
Dom: Dom tuk ari tasik!! (Nyaring nyawa bejaku laban enda entu clear)
DJ: Enda entu didinga nyawa nuan tu Dom, uji nyaring bejaku auk..
Dom: Ka bepesan tu dj..
DJ: Auk, terus ke dia meh
Dom: Aku Dom ak Jupi deka nyampai ke pesan ngagai pangan aku.... apai indai... Bisi lagu Bujang Runggu Ensing DJ?
DJ: Emm.. legi ngiga ke dik auk,
Dom: DJ, DJ.. tu kaban ku siko deka bejaku..
DJ: Auk, jampat ke neh
Kaban 1: Elo DJ! Aku Jimbun ak Jawi ka nyampai ke pesan......... DJ.. tu kaban aku siko da agi ka bejaku...
DJ: ..... (&%$@#$%&*) ...
Kaban 2: Aku Seran ak Kawin ka bepesan ngagai apai indai aku ba...... tut..tut..tut tut..
DJ: Oh.. putus line...arap ke tau nguji baru.. (fuh!)

Peninga 4-ba program minta lagu

DJ: Selamat pagi Yfm, sapa tu?
Mak Lucy: Mak Lucy tok wai! (gegetar munyi nyawa, nebes)
DJ: Enda entu didinga tu Mak Lucy, uji slow ke mimit radio nuan dia (mesti ka ninga nyawa diriempu pansut ba radio.... Ukai mending ke talipaun tang mending ke radio)
Mak Lucy: Auk anang guai... Ok...
DJ: Haa.. baru terang didinga, terus ke dia wai
Mak Lucy: Trima kasih DJ, emmmm... (ngiga kertas skrip) aku Mak Lucy ari Kampung Stampin deka nyampai ke pesan ngagai anak aku ti gawa ba Brunai.. Enda pulai nuan gawai Jang! Apa nuan lelengau ke nuan... Enda tinggal agai bala aku baaaaaaa .. "ba Sampun!" munyi nyawa urang bejaku ba belakang...
DJ: Nya aja neh wai?
Mak Lucy: Ni DJ sanu2 dah wai? Lama enda ninga ya..
DJ: Oh Dj sanu cuti...(#$@%&)

Udah ka ngalih ari...

Peninga 5

DJ: Selamat pagi Yfm, sapa tu?
Tony: Tony tuk ari KL!!
DJ: Selamat pagi Tony, terus ke pesan nuan
Tony: Trima kasih DJ, Elo..aku Tony ak Puan deka nyampai ke pesan ngagai bala Apai enggau Indai aku ba Lundu.. elo Dj..
DJ: elo, terus ke dia
Tony: Ok.. enda tinggal mega enggau bala menyadi aku, Endun ba Serikai, Mang ba Sekula di Kuching, Igat ba Miri.. elo, elo DJ..
DJ: elo ditu aku, terus aja ke dia
Tony: ..Pesan aku ngajih ke sida semua gerai belama, aku enda ulih pulai gawai tu laban kereja.. elo DJ..
DJ: terus ke dia nadai lari aku..
Tony: he he... ngagai bala sama enggau aku gawa ba Port Kelang tu awak ke rindu2 meh selalu.. Ulih minta lagu DJ?
DJ: Minta lagu? Udah abis lagu dipinta bala peninga bukai tadi...
Tony: ???????
DJ: (Panas ati)

Kati baka kaban? Bisi ati ka nyadi DJ?