Utang - Urang Ngutang - Bayar lah!

Bejaku pasal utang, sigi enda entu jenuh duduk. Kelebih agi ngasai diri bisi utang. Utang enggau bank mayar kerita, rumah. Tang tu utang besai2, kitai bejaku pasal utang ke mit cit tang tajapan utang tu mit cit enti dikumpul nyadi aki ini cit meh ya. Chunto utang mit cit, utang seringgit dua, bepuluh tauka beratus. enda manggai 5 ratus lah.

Sapa ke selalu ngutang baka tu? Bala kaban, ging2 sama gawa, enggau bala madik. Ok, bala madik kira ke out lah laban semadik. Kitai ngenang bala kaban sereta ging2. Ngirup kupi, lebuh mayar, "bos, ngena ngedik dulu, legi mayar". Baka engku laban ke suba selalu ngeripair kumpita suah ngeripair peri aja. Lebuh sida mai kumpita ke rumah ukai agi mulut ngasuh ngadu jampat lah itu lah ini lah, udah siap... "bos, legi mayar dik". Legi alu suci dalam debu semua utai nya ko Salem-Iklim. Malam tadi aku ngira2 penyampau duit enti semua caj aku ngeripair kumpita dibayar sida ya ari taun 2006 ianya kira ke 590. Mimit nya? Enti ku mai bini enggau anak aku suping penuh bunit kerita!

Ka kitai nagih legi kejaku "apu sanu2.. bala kaban pan bekira.."Bah, ari ni karan ke kena aku ngeripair? Peri ka? Sida ga ke bejanji ka mayar. Bejaku pan enda guna enda pia. So, kelama2 aku berunding.. aku bisi ngaga list kati baka ka ngasuh kaban kitai mayar utang enggau jampat.

1. 1. Enti sida ngasuh nuan ngeripair kumpita, ambi aja kumpita sida ya udahnya bai agai kedai cina, asuh cina ngadu. Udahnya enti udah siap call kaban dik asuh ngambi ba kedai cina. Nya peneka iya ka ngutang enggau cina.
2. 2. Nuan ngutang ngagai kaban bukai nuan alu padah ngagai kaban nuan nya ila kaban nuan ke ngutang nuan mayar utang ya.
3. 3. Bai kaban nuan suping, leboh mayar asuh iya mayar
4. 4. Nuan ngutang ba iya. Enti iya ngutang nuan 50, nuan ngutang iya 60. Legi leboh iya nagih, nuan mayar iya 10 aja. Legi enti iya madah namahal 10 aja, nuan madah agai ya laban udah tulak utang iya 50!
5. 5. SMS iya nanya rita, manah ke enda, nama gaga, udah nya ba ujung msg nuan minta utang! Cunto: "Elo kaban, nama rita? manah? Bisi ngelu2 kita? Namahal nuan lama enda bejalai ngagai aku kitu? bla....... Kaban, bila nuan ka nyetel rm50? Dah suntuk tok..."
6. 6. Lebuh nuan lipak2 enggau iya, pepura nuan talipaun, nagih utang ngagai kaban nuan. Legi bisi iya terasa mimit2.
7. 7. Cara paling mudah tel tauka sms ya: "Bos, bila mau setel utang?"
8. 8. Lebuh maya makai, pepura nuan ngira duit nuan, utang urang..udahnya nuan bejaku kediri... "Kibin udah setel utang ya..emmm Jalin pan udah... emmm Nuan kaban bedau gik mayar utang aku ndak??" gaga nuan mua baka ke benung ngingat ke nama urang ke ngutang nuan.
9. 9. SMS iya kunun salah sms: Oi Jumas, utang bila ka mayar. kunun nuan sms ngagai kaban nuan Jumas.
10. 10. Paling manah, anang agi meri duit peri agai iya. Enti lebuh mayar utai iya madah "ngena ngedik dulu" saut nuan .. "Suri kaban, aku bisi mai 1.50 aja tu kena mayar kupi!" Ensepek!

Cara tu tau meh dikena tang aku enda jamin enti kaban nuan belaya enggau nuan. Risiko tanggung sendiri ko laut. Tang siti aku ulih jamin, Utang nuan 70% mesti setel. 30% mungkin kaban nuan nya lari ke menua bukai tauka udah nadai.