Racun Dalam Selimut

Udah ke mayuh raban mit kitai ari China kena serang penyakit ketegal melamin, (ukai kelamin) nyau bejejaga diatu enti meli utai dempa. Kelebih agi enti kita ngagai kedai-kedai murah ke nyual utai lilung-10 tin sadin janik 2 ringgit. Sigi murah tang legi enti dik berubat ba spital mar meh nuan mayar. Manah nuan mayar mar diatu ari nuan cecungap nganti lumur ba spital enti nuan kena sakit.

Kekadang kitai mensia tu kelalu ka bejimat. Bejimat-cermat ko laut. Meli utai mesti ka ngiga ke murah, janji bisi ko jaku. Meli utai kena masu mua (facial cleanser) ba kaki lima, meli ba makcik ke duduk rerunguk mai bakul. Murah amai murah tang uji kena enti ka meda mua nuan bebali nyadi raksasa. Meli mi segera ke chap ba depan ke enda nemu ari ni penatai. Kelicau-licau tulis. Nama utai ke kena sida ngaga pan enda ditemu. Engka ngena selipar jipun tauka tayar recycle kena ngaga mi enda meh kitai nemu.

Suba gula batu tu meh paberet aku, diatu enti ka bemalam ba spital tau nguji..

Nama salah enti kitai meli utai empa ke mar mimit tang selamat ari utai ke tau ngasuh kitai kena penyakit. Enda ngawa muai mimit duit tang pengerai kitai dijamin. Ukai semina barang import tang barang ba menua kitai empu pan mesti ka bejejaga. Chunto : ai langkau. Pelaba aku nemu kita bakani urang ka ngasuh ai langkau chiru. Enda ngachau enti ai langkau nya baka ai milo tang kualiti terjamin nadai utai champur. Nuan ngirup nyamai, pala ngelu bejugit pan nyamai. Enda pia kaban?

Nya meh tadi, berunding meh kitai ke pengerai diri sebilik. Ngajih ke gerai nyamai semua. Ko pepatah melayu- "Besakit-sakit dahulu bersenang-senang kemudian". Tang enti kitai udah kena penyakit bedau temu kitai ulih bersenang-senang kemudian, sesilap beketuk-ketuk sengkalan kemudian.

Sekian Wassalauyukaban!