Enti kita bisi raun-raun Everise BDC, bisi kita tepeda ke endur urang muai sampah kitar semula, "recycle" ko urang putih. Dia endur kita ulih muai sampah ke jenis plastik, kain, tin, botol kaca.. Endur tu nadai meli ari nuan utai ke dibuai nuan tang nuan semina muai peri2 aja. Enti utai tu dibai nuan ngagai apek ke mai van kilo2 baru nuan bulih duit sesin dua.
Tang siti utai ke ngasuh ati aku berunding mimit, leboh aku mansa endor tu jam 9/10 pagi udah bisi checanguk duduk dua tiga iku indu tuai, bebai payung duduk ba tisi endor muai sampah tu tadi. Bisi sekeda bebai ke anak mit meh nya. Makai tindoh meh sida dia peda aku, baka ke "camping" meh nya. Enda lama udah nya ngetu siti kerita, keluar siko indu cina mai plastik penuh enggau gari sereta macam2 agi utai ke ka di buai ya. Peda ku bala sida ke duduk tadi jejampat belanda ngagai indu cina tu lalu ngerampas plastik ya tadi.. Nya.. berebut meh sida dia ngulih ke utai ke ka dibuai cina tu tadi. Akaidai... tak tegamam meh aku meda ulah sida tu tadi..
Tu ukai gambar amai, bisi gambar amai tang enda manah ngeso ke mua sida-kasih meh sida.Peda aku pendiau sida tu sigi sah tu bansa Iban. Kati bisi ga bansa kitai ngereja pengawa baka tu? Kati amat tusah pengidup sida tu sampai nyau ngaga pengawa baka tu? Kati nadai agi endur gawa ba Kuching tu? Kedai kupi mayuh ngiga kuli. Enti amai pengidup sida tu tusah, dini perintah nadai nulung? Dini skim2 betanam ke dikejaku ba dalam pugrim rediu iban? Enti kitai raun2 ba KL din nadai iran kitai laban pengidup ba din sigi "mencabar" ko laut. Pengawa bisi tang utai mar, nadai tanah endur berumah, nadai tanah endur bekebun. Kati ba menua ditu udah abis tanah dijual pia?
Enti aku bisi mansa endur tu sigi alu setat berunding meh ati aku. Ba dalam ati aku suah aku bejaku "Puji meh ke Tuhan laban udah meri aku pengidup baka tu..."
Enti aku bisi mansa endur tu sigi alu setat berunding meh ati aku. Ba dalam ati aku suah aku bejaku "Puji meh ke Tuhan laban udah meri aku pengidup baka tu..."
The RoundRaun Times ianya blog pasal jerita pekara ke nyadi ba dunia, menua sereta penemu baru pasal I.T enggau utai bukai. Ditulis ulih Ken, anak iban ke berasal ari Samarahan.
6 iti jaku nuan:
Selalu meda tong sampah recycle nya ba menua latak tu tang bedau ga kala tepeda ka mensia rerungu nganti sampah ke di buai urang. Kekadang kitai Iban tu enda nya entu merinsa deh tang rindu ngumpul utai enda menyana. Enda jauh nyema sida Indai aku empu. Apu.. stor penuh endur barang enda menuku. Nyentuk ke butul ai taun 80an suba agi meh dia (kena ngiri ai tuak maia rami). Enda nemu meh case ke dipeda nuan nya Kenergy engka amai merinsa kini. Kasih tudah.
makin menua maju..makin bisi sekeda dua ke merinsa..ia ke merinsa makin merinsa ye ke senang makin senang..enti ba rumahpanjai ba menua ulu nadai kitai meda orang minta sedekah..sema merinsa agi bisi tanah dikerja..tulang aja ditanya..tang enti di negeri pama merinsa..ka pan enda minta sedekah meh kedua..ka ngidup kediri..kasih tudah..nasib siko-siko
Amai ko nuan nya Mama, stor rumah indai ku didin penuh meh enggau memacam utai, ulih nyadi muzium. Legi dikemas kitai alu mut2 mulut.
Licia, nya meh.. nasit kitai siku2 enda sebaka. Bisi ke senang, senang amai, bisi ke tusah nyau kin kia abis utai digumpul kena ngiga sesin dua. Tang bisi ga ke tulang bisi tang ngelusu gawa...
ngeripit ko kitai nya kenergy...
ngiga tin nggau butul kaca, bisi meh mayuh sen...hehehe
Ya aki, tau uji meh.. meda ok nda ulih dalam sebulan..
hahahaha... au amat nya. entua ku suai laki ku rajin amat meri sida nya gari lama. Ukai tak berampas gik wai, bonet belakang kerita kitai sida mukak, enda teanti ke kitai pansut muka! malu meda banssa kitai bekenya... patut bala kaban laut nggau cina meda kitai nyo very low class
Post a Comment