Semadi ngenang

Lebuh duduk nunga kempita tiap ari, kekadang tekenang ke jeman kelia. Leboh agi belajar pemeri, niki pum 5 alu nyambung ngagai endur ke tinggi agi. Tak enda berasai sepi aku. Taun majak bejalai, enda lama agi taun 2009 ka datai. Gaya pengidup makin ari makin berubah, pendiau kitai, pisin, chura, setain semua berubah. Enti ngenang maya sekula suba sigi keruk tauka "rock" (jaku ribai) nya meh pisin. Sigi enggai alah ari urang, keruk urang keruk agi meh diri. Be"jamming" betanding mantai ke penemu ba tisi2 jalai, bus stop.

Ngicha bisi bas ngetu, bisi indu dara dikuntik. Udah kepuas2 lipak dia makin kurang meh bala ging lipak laban siko2 nyau ngatur ke pengidup diri. Bisi bekereja ke menua urang, nyambung belajar ba university. Tinggal meh siko dua ke nyadi timbalan Tuai Kampung.

Sinu meh ati ngingal ke bala kaban kediri ba menua. Ngagai menua urang ngiga pemandai kena ngidup ke diri jemah. Ke pelima enam taun alu mulai ke diri meh tudah ngagai endur asal. Ngiga pengawa ke padan enggau diri empu, bekuli enggau cina, becat ke rumah, ngecat kuda fun fair, ngangkat semin, nusun bata. Laban ke nadai "experience" gawa enggai meh urang ngasuh kitai nyadi pegawai, executive tauka menija.

Nya meh tadi, kitai ka ngidup ke diri sigi ari baruh meh kitai baru kitai niki. Kekadang ringat ransi meh leboh ngereja pengawa ke kelalu mayuh. Anang ngetu kitai belajar enggau urang, urang cina pum tiga enda pas ulih nyadi kaya, nama kebuah kitai enda ulih. Asal ati kitai keran sereta kering deka nguji sigi ulih. Utai ke mit cit peda kitai sari tu, dudi ari ila ulih mesai gajah. Utai ke berat angkat kitai saritu jemah ila ulih lempong. Sama2 meh kitai ngemansang ke diri kitai. Taun 2009 nyau ka datai, sigi taun ke manah. Awaka bansa kitai bansa Iban maju ke mua agi ari bansa bukai. Anang alah gasak sida, enti sida ulih, kitai mega ulih.

Nya aja ari aku ke sari tu. Betemu baru enggau kita peninga minggu dudi ila ba pugrim pemansang pengidup. Mupuk aku.