Nya ya bulih

Musin ujan diatu, tusah ka mindah. Chelap udu chelap, jalai ampuh bah kin kitu. Spinda ke dijembi pan nyau enda rangkai-rangkai. Nama penyadi baka tu? Enda alah kitai beseterika ke spinda seminggu-minggu. Ka pen enda, laku ga kedai spinda.

Ujan nurun enda badu-badu, rega sayur 2 ringgit empa tubuh siko enda chukup. Ulih ngasuh belaya enti meli alang-alang. Utai semua enda nyadi maya musin ujan tu. Ikan pan nadai. Ari-ari makai manuk. Saritu manuk kari, pegila manuk kicap, lusa manuk sup, lupit manuk guring, lanit manuk rebus, ngelanit manuk panggang. Akai.. pedis amai baka tu.

Udah ga kedai mayuh tutup laban bala cina ke nyambut kunsipacai, ka meli barang pan tusah, abis kedai endur begiga, "stok balu belum latang ooo.." ko saut apek. Nye.. bebengap ninga jaku apek. Ba batu 7 sigi sunyi baka ke darurat ka kena serang Jepun, sigi sunyi.. nadai siti kedai buka.. "Apu.. tak cina aja bekedai ditu ney..., enti nadai bansa tu kati gaya bala kitai ka bebeli ke barang" ko diri bejako dalam ati..

Ingat aku suba maya agi mit, kedai nyual minyak petrol pan tutup maya taun baru cina.. Bahlah.. kati ka bejalai ngena mutu?? Nasit ndar semina lima ari tauka seminggu. Enti sebulan?? Tekering enda makai kitai.. Nya meh tadi kaban... rajin-rajin lah bansa kitai muka kedai, ngambika maya ari kunsipacai nadai tusah bebeli ke barang.. Wasalauyukaban!!

P/S: Anang main ai maya banjir laban takut nuan tepegai tauka tetanggkap ke "ikan emas" ke lepas ari peti bank ke udah ampuh bah!