Selamat Berjaya

Selamat maju jaya ngagai bala ke betanding ba Batang Ai (Sekali agi aku madah ukai Batang Air!). Ngagai bala ke nyunting kertas undi, chunting meh enggau bijak! Anang mikir pengidup diri diatu tang pikir pengidup uchu icit jemah ila.. Legi jeman icit kitai ila nyau enda menuku, kitai diatu ke dianu sida ya.. "Tu bala aki ini kitai suba meh empu kereja tu, sesebarang jak ka milih perintah".

Aku enda entu ulih madah ditu sapa ke disukung laban blog tu ukai blog politikus. Semina ulih ngambi mimit2 aja meh tu. Sapa ke menang, pegai meh endur nya enggau manah.. Tulung rayat ke tusah, beri prujik2 ke ulih ngemansang ke pengidup rayat, bantu anak2 mit ke sekula sereta enti ulih gaga meh peri cybercafe ba dia awaka bala dia ulih bebacha ke blog aku tu.. peiii!

Sapa ke kalah deh? Anang irau, kenu ko tulis ba kertas kerupuk 20 sen ke suah dibeli agi mit suba.. "Thank You, Please Try Again". Enti lenyau wang "Panjar", anang ringat, kira ke perchoma meh auk...


Nya aja ari aku, bai meh My Kad tauka kad pengelala (ko rediu) maya nurun ngundi, enti bisi urang ke mai beg ikat ba pungung ngangau nuan tau meh nuan kin... ya bisi meri nuan siti envilop ke bisi utai bewarna-warini di dalam ya, enti enda silap aku warna mirah urin nya meh!

p/s: Gunakanlah pensel Stabilo Exam Standard untuk mengundi...