Amat enda...


Amat enda? Kala kita ninga utai ke nama BioDisc? Lama aku udah ninga utai tu ba tenit(internet) tang enda kala megai sereta meda amai2 utai tu.

Lebuh maya cuti raya tu tadi, kawan apai aku bisi ngusung rumah apai aku... beniat meh tu tadi laban ka ngeso ke produk tu sereta ngaga "demo", kira ke baka belian mit meh tu. Nya meh ke petama kali meda utai baka tu.. ta baka ke utai sesengapa ndar ga gamal... baka disk nya tang transparen baka plestik..

Fungsi utai tu ko jaku pakar tukang jual tu tadi ianya ia ulih menstruktur air paip ke diirup kitai nyadi betenaga tauka berstruktur, ianya nukar ai mati nyadi ai idup.. pia ney... tu baru ku nemu...

Apai aku sigi enti pasal utai ke ngasuh gerai iya sigi rindu laban puas udah bekena ke ubat kin kitu laban ke nat ke kaki ke pedis. Tambah mega bisi kemik manis. Nya meh memacam jenis ubat diuji, tang kepuas2 nguji enda meh berkesan.

Kepuas uchak ke demo tu tadi becerita iya alu madah ke "Marketing Plain". Urang tuai sigi enda nemu nama reti jaku tu. Alu reranggap meh seduai apai indai... Udah nya madah ke rega utai tu. RM1900, tang... diatu bisi upa(offer) RM1700. Upa semina 3 ari! --hah??-- Bisi bakanya ney?

Apai aku diau aja, keterubah apai aku sigi gagit ati laban bisi siko kaban ya mujur gerai laban ngena produk tu.. tang... udah sida ke becherita pasal "marketing plain" tadi, nyau tawar meh ati urang tuai..

Aku enda memunyi, diau aja. "Enti di asai manah beli, enti enda nda iboh ga" ko aku madah. Tang siti utai ke ngasuh aku berunding sampai diatu, amat enda utai tu berkesan? Ni pengamat utai tu? Ngagai bala-bala ke bisi kaban tauka dirimpu udah bisi ngena utai tu tau meh share2 pasal utai tu.. Ngai ke udah meli legi, tak meli kereping plestik ngapa... Sigi idup2 ditipu urang.....

Teingat ke cherita P.Ramli nyual ubat ba kaki lima.... Hai Obatx2

0 iti jaku nuan:

Post a Comment