SEMINGGU AGI KA GAWAI

Apuuuu, kelip2 mata nyau udah setengah taun tu dempa klinda. Nyau udah ka gawai da agi... Sigi enda berasai amai. Asai ka agi ba jeman sekula suba, maya ka gawai mula bekirim ka kad gawai. Laban ke udah ba jeman teknologi ko urang nyau nadai agi bekirum ke kad. Ngena sms mudah agi, tut tut munyi talipaun bisi nerima mesej meri selamat ari gawai. (wajib meri pesan minta sangkung ngirup ai tuak, legi beri peniga gelas enggai gak).

Maya gawai tu sigi maya kitai bisi tetemu ka mayuh macham ulah mensia. Bisi ke tan/liat endar ngirup.. urang lain udah nyadi sawa iya agi stidi. Tu kanggau urang "Antu Bam". Bisi ke enda nemu pulai, nyau udah betukar ke-5 kali temuai datai agi ga ya duduk dia baka guard. Bisi ke ka amai betanda nyau abis anak bini aki ini urang ditarit. Bisi ke ka amai bechium ka urang, bau mulut sigi alah bau nyawa baya. Bisi ke rindu karaoke nyau nadai nyawa urang bukai didinga ari magi sampai ke lemai, sigi iya aja. Rumah tu lagu maxwell, rumah siti nyin legi maxwell gak. Bisi ke rindu amai ka betaban ke selipar urang. Selipar diri empu ke nyau nda temu agi warna tinggal ya. Bisi ke peturun makai besi, enda ulih bai betundi alu ka ringgat sereta ngeransi. Bisi ke tubuh bau enda nemu agi aku.. bau tenggong sereta bau kambin bisi meh. Bisi ke betarit enggau bini, bini mai pulai.. hahai. (tumu minta permit ari bini kaban enti ka enggau urang palau, last minit sigi enda approve!)

Irup jampat nya aki, ukai nya Boom!

Sigi maia gawai tu meh kita ulih meda mayuh macham ulah mensia. Macham2 setail, enti betanda sigi enggai ka alah enggau pangan diri. Ngicha indu dara ba tisi nyeling2 ulih ga bai betanda. Enda kira tuai tauka biak, sigi begulai manah enggau pangan diri. Mulut ke enggai nerima ai bisa enti diberi laban nyau kelalu "full tank". Padah enggai legi saut sida ya.. "eh.. ukai nya boom!" Akaidai... sigi enda lama melumpa kereja baka tu. Nya meh tadi kaban, mayuh macham ulah bala kitai maia rami. Taja baka nya, tu meh ke ngasuh kitai ketawa, rindu sereta gaga ulih berami enggau bala mayuh maia gawai. Utai ke ngasuh pedis ati tau ditinggal ke dulu, bantai ke utai ti bisi, bekunsi enggau pangan diri.. pait empa pait, manis empa manis, masam empa masam meh tuak wai.. SELAMAT GAWAI, GAYU GURU GERAI NYAMAI!