Sapa Nyangka

Sapa nyangka-Siku indu ke beumur 48 taun bisi ngembuan nyawa ti lantang sereta manah. Susan Boyle, siko ari indu ke enggau betanding ba Britain's Got Talent, siti rancangan Reality ke tebilang ba menua Britain din, udah ngemantup ke ati diri nyadi pemerindang tajapan umur ya udah manggai 48 taun.


Ya ke lebih ngasuh kitai tekenyit ianya sekumbang video "audition" ya dipasuk ke ba Youtube, lebih 34 million peminat iya udah enggau peminat tu makin betambah ninting ari. Susan ke bedau belaki mega madah diri nadai kala di "kiss" sampai ke umur iya diatu.

Penyanyi koir ba gerija tu madah ke diri enda nemu pasal peminat iya ba YouTube tu, lagipun ko iya, iya nadai "access" internet sereta enda landik pasal internet tu. YouTube pan iya enda kala ninga, kira ke baru didinga ya utai ke nama YouTube tu. Enggau jaku ke enda tinggi iya madah, bakani pan pengidup ya ke kira udah "Glamour" nya iya tetap enggau pisin baju sereta setail buk ya. Enda iran kita diatu setail buk enti ba menua ditu kumbai urang baka "antu babas" nya nyau udah pames ba din...

Kita tau meda video "Audition" ya ba ditu

Selamat berjaya meh ngagai ya, awak ka ya makin tebilang ba dunia pemerindang! Ngagai kita ba luar dia ke ngasai ke umur/pendiau nyadi ke penghalang kita, tu meh chuntu ngagai kita. Sapa-sapa ulih berjaya enti bisi ati deka nguji sereta berani enda ngira umur tauka pendiau. Gud Luck!