Pun enggau ujung

Bekalih duduk kitai ari bangku kayu ngagai bangku sufa, Betukar kasut ari kasut kain ngagai kulit, Betalipaun kitai ari talipaun awam ngagai talipaun binching, Bekerita ari ke bejalai kaki, Bekaraoke ari ke begendang tin...

Bakanya meh pengidup kitai ninting ari, bisi angat celap..bisi tuchum ketawa, bisi ga nyabak, rising-rising ba tisi tiang. Enda berasai kitai mua ari ke nyabak tuchum nya mai jam, nyau enda berasai dini ari. Bakanya meh tetiap ari, tutup enchelak mata kitai meda siling bilik tinduk. Asai ke baru kemari cherita tua ke tuchum ketawa ba mua pagar tajapan udah setaun cherita tu expired.

Anang nganu neh unggal enti aku bisi nyubit nuan mimit. Enti biru bekau cubit aku nya agi empai lenyau kitu meh ngambi ubat sapu. Anang nganu neh kaban enti jaku aku bisi mintis ati nuan, nya jaku tundi tua leboh pala enda entu sinta(centre).

Nemu aku nuan agi jilis ke baju Street Fighter aku suba. Tang nya jerita lama suba, abi baju nya udah enda temu agi. Nya jerita jeman kelia, jeman mandi sungai telanjai, jeman main selipar kaki tiga, nginti, nyetik tauka main kawin-kawin. Bah, singkang meh kaki nuan, sama kitai bejalai ke mua. Mansang ke diri ngagai endor ke manah agi. Tang kaki tua agi ba tanah endor tua ngidup ke diri ari mit suba....