I d utan, u d bandar...

"Tajapan aku ba utan, nuan ba bandar mayuh teknologi tang... kami ba utan udah ngena celcom 3g.. nuan agi ngena dial-up 1515! Huahuahuahuahua!"

Tebacha ke post Puteri pasal bayat siko tu nyau ka panas mimit asai ati. Bisi aku macha pasal utai tu ba News tang biasa aja ko ati aku laban jerita ba suratkabar tu enda entu ulih dipechaya magang. Bisi betul bisi enda. Ke ba news ke ulih endar di pechaya ianya result lumur pudi.

Tang udah tebacha ke Post digaga kaban empeliau siko tu nya ngasuh panas gi ati. Nama kebuah? Kitai merati ke ba baruh tu list2 kebuah post nya ulih ngasuh ati kitai panas.

1. Kitai Iban enda nemu berteknologi?
2. Kitai Iban ketinggalan jeman?
3. Kitai Iban enda nemu utai?

Ok, diatu aku ka ngemanjai ke sereta nyerungkai ke rahsia2 kitai bansa Iban ngambika bala bayat ba luar nyin nemu, kelebih agi bala empeliau ke baru nemu ngetuk2 keyboard. Enti baru ka belajar ngetuk2 keyboard, nyin aku bisi ngajar kita peri chara2 belajar ngetuk keyboard!

Kitai merati ke lumor 1. Kitai iban nadai nemu pasal teknologi?? Aiseymen... nama teknologi ko nuan kaban? Uji padah meh dia. Engka pasal teknologi kumpita kini? Anang kaban, enti pasal kumpita anang meh ka ninggi diri. Kami tu nemu meh pasal kumpita. Kami bisi meh penemu tang enda meh ngemantai ke jaku ke ulih medis ati urang. Terang2 agi nya madah "Iban people". Uji aku nanya nuan, berapa iti udah website digaga nuan?? Berapa iti system udah digaga nuan?? Berapa keping graphic image udah digaga nuan?? Berapa mayuh kumpita udah dibiki nuan??? Kami bansa Iban sigi enda mantai ke penemu terang2 baka nuan kaban. Mayuh utai ke ditemu kami tang kami enda ngeso2.

Kitai merati ke lumor 2. Amat ko nuan bala Iban agi diau ba menua pesisir. Nadai karan, paip, internet. Bisi sekeda nadai meh tv, enda meh nemu betanda shuffle ko nuan nya(tanda bangkai!). Semina ngajat, bepencha nya meh main kami. Alah meh gasak kita ke bekena ke internet, FB, Friendster, Blog, YM enggau mayuh agi. Tang... bala kita gak ke suah kena tipu ba internet! Duit lenyau bepuluh ribu. Baru nerima email lunggau udah meri lumur account bank. Palui!. Bepangan ba internet, ba YM.. chating2 baru setengah jam udah betemu ba kedai kupi, bai niki hotel. Udahnya?? Ngandung anak buai ba parit. Manah perangai baka nya?? Legi bisi kemira digital, gambar diriempu. Kepuas2 legi gambar diriempu telanjai, upload ba internet! Tuyuk!

Kitai merati ke lumor 3. Tu silap endar tu enti madah kitai enda nemu utai, pelaba aku nuan ke enda nemu utai. Aku nemu C++, nuan nemu? Aku nemu COBOL nuan nemu? Aku nemu ASP,PHP, Java, CGI, SQL nuan nemu??? So, nama meh utai ke temu nuan?? Nulis post ba blog ke enda menuku nemu nuan. Nya aja utai ke ditemu nuan.
Iran pemadu iran aku ba menua tu, madah diri nemu pasal kumpita, internet tang nama kebuah enda nemu pasal utai ke nyadi ba menua tu?? Bejaku pasal siti2 bansa peneka mulut aja. Enti nuan macha ba newspaper agi ketiggalan jeman meh nuan nya kaban, laban kami diatu semua macha ba e-news!! Huahuahuahua!

Majulah Iban untuk Iban.