Oh pia ney!

Kemari tekenyit lebuh meda tv cinil 2 jam 3 lemai.. Nemu kita bisi apa? Bisi pugrim MTV iban.. Peiii, tekenyit ati asai ke ka luput. Ukai nama laban puluh taun udah diau ba menua tu baru umur nyau ka 30 tepeda ke pugrim baka tu.

Manah, sigi manah pugrim tu laban mantai ke bakat2 kitai bansa dalam dunia pemerindang. Tang.... nama kebuah baru diatu ka mansut ke utai nya?? Adakah ianya besangkut-sangkut enggau pengawa bepilih ba Batang Ai (ukai Batang Air k!)???

Tet! Iklan... Pilihanraya Batang Air.. Bawalah kad pengenalan.. undilah barisan... menjamin kemajuan untuk anda..

Oooo pia nya ney... nemu ku udah setail sida tu. Sigi bekilat atap zink urang menua tu ila laban pengawa bepilih tu ila.. nda pia kaban? Tang utai ke ngasuh aku enda puas ati, udah bepuluh taun diau ba menua tu baru diatu adat main bansa kitai iban dibantai ke ba pugrim tv.. Enti ukai ketegal You-Tube, nadai urang putih nemu adat main kitai iban... Terima kasih ngagai bala ke bisi upload ba You-tube.

Ari mit suba kitai udah betanya ke aki ini, "Nama nadai pugrim jaku iban ba tv?". Uji gaga jerita sida Empari enggau Samban baka ke dijerita tuai kitai Thomas T.Laka ba pugrim pengingat tuai, lakun ke alu pansut ke ba tv. Awak ke semua bansa ulih meda asal usul bansa sereta penyigat, pemajik sereta pemerani bansa kitai.

Enti nadai idea ka nulis skrip, email aku, aku sedia nyedia enggau peri aja skrip jerita.. Ah, jaku aja utai semua tu enda pia..

Lama2 enti enda digaga baka tu, abis meh pengingat lama baka tu. Enti ditulis ke ba bup lama2 charik meh bup nya. Engka nadai meh urang ka becherita ba radio enti tukang cherita udah nadai.. Ujung2 jemah ila ucu icit kitai nanya kitai... "Aki, aki, panjai ke rumah panjai??"