FaceCode:Ni mua nuan..

Kitai nemu kemaya ari tu enti ngena kumpita macam-macam cara urang nyaga utai berega dalam kumpita sida. Cara ke suah dikena ianya ngena password. Biasa ya password bisi "Username" enggau "Password". Kelimpah ari nya meda bisi ngena "thumb scan", "eye scan" tauka "voice scan". Kati baka "Face scan"? Ulih ka scan ba mua?

Ngena Face-Code nuan ulih scan mua nuan kena nuan "log in" ngagai kumpita nuan. "Web cam" dikena nye"can" mua nuan lebuh nuan ka tama ngagai kumpita nuan.


Enti nuan udah set sistem tu dalam kumpita nuan, iya deka nye"can" mua nuan bekali2 kena ngambi gambar ke cun awaka enda rari lebuh "log in scan" ila. Jadi, sebedau nuan "scan" mua nuan, set-set ke buk nuan dulu.. Enda iboh meh kelalu bajik baka ke ka pegi diner, enda alah peda urang nuan tiap ari ngeset mua nuan ketegal ka log in ngagai kumpita... "Oo indai Wat, kini nuan ka dinar ka?" , "Enda.. aku ka ngecek email aku aja...."

Enti nuan ka nguji tau download trial ba ditu tauka meli full version enggau rega $29.95US.

roundRaun enda betanggungjawab enti nyema nuan install app tu udahnya nuan enda ulih login ketegal mua nuan enda sebaka. Use at ur own risk.