Renga Janik

"Jang, anang meli janik agi kita sebilik, manuk, ikan, sayur tau dempa..." Nya munyi pesan indai aku lebuh aku ke bejalai ngagai sida ya kemari. Aku nyaut auk aja, enti kitai nyaut utai bukai alu panjai agi hujah serta ceramah. Kebuah indai aku bejaku munyi nya laban diatu nyau pames udah pasal penyakit renga babi tauka "Swine flu" tauka bahasa saintipik H1N1.

Apu... nyau munyuk layu mua cina bejual babi ba pasar area perumahan kami dia. Suba enti udah lemai anang ka meli janik dia, sigi sold out. Diatu nyau nadai "Sales" bala tukey janik. Nama kebuah? Laban urang nyau bejaku nusi cerita pasal enti makai dagin janik legi kena penyakit H1N1 tu. Tang lebuh aku round raun ba resturin cina tak kunyap2 mulut cina makai kolo mi. Tak nadai utai ti di nangi. Ko kawan cina ku bejaku, "Lu makan nasi pun bole mati ooo.. lu jgn pikir apa balang makan, lu makan saja". Sigi rock cara uchak cina tu bejaku.


Nya sigi baka bala kitai ke diau ba menua baka sida apai indai kitai, aya, ibu. Sida ya enda entu nemu bakani chara leka penyakit tu tau ngerampit sereta bakani chara ka nagang diri ari kena rampit. Sida ya bulih ke penemu ari jaku urang kin kia nya meh.. Lebuh ke nganti Father ba gerija datai maya sembiang, berandau enggau bala kaban sida ya, dia meh sida bulih penemu. Mudah enti sida nemu bekena ke internet tauka macha Borneo Post, sigi abis diperint sereta dilekat ke ba dinding rumah utai ba internet.

Nyadi kitai ke bisi penemu tu meh madah ngagai sida enggau silik agi pasal leka penyakit tu. Ari nya enda meh sida terlalu "panik" tauka "cuak" ko jaku laut ba senanjung din. Enti ngena chara ke betul baka chara nyaga pemeresi sereta chara nagang diri kena rampit, kitai sigi selamat ari penyakit tu. Anang meh udu sesegau ba endur ke mayuh urang. Kira ke diau jenuh dulu ba rumah meh auk. Sama-sama meh kitai nyaga pengerai diri empu.

Enti kita ka nemu enggau silik agi pasal leka penyakit tu tau ngelawa laman web CDC H1N1

Jaku lalau tu dibai ngagai kita ulih kedai runcit Jelani ak Jugam-"bisi nyedia ke kemudahan pinjaman dalam buku 555"