Nyadi apai enggau indai ukai utai ke mudah, enda sebaka enggau kitai nyadi pelakon drama nyadi apai indai. Enda mudah baka meli lumur 4d tang enti enda kena... pegila nguji agi. Nyadi apai indai chukup "rumit". Mayuh utai ke mesti diperati ke kitai. Ari sida mit sampai ke besai. Kekadang nya meh ngasuh ati kitai enda tan alu ringgat tauka "hot" munyi ko jaku indai aku.Baka tu meh utai ke nyadi ba menua tasik din, siku indu ke benama Madlyn Primoff ke enda tan ati laban ke geram enggau dua iko anak indu ya ke berumur 10 enggau 12 taun. Engka udah kelalu manas, alu ditinggal ke ya anak ya ba tisi jalai. Udah ke ditinggal dia iya alu ka ngambi anak iya baru tang semina nemu anak ya ke berumur 12 taun tang iya ke biak udah dianjung urang ke balai pulis lebuh iya nemu anak mit tu nyabak ba tisi jalai.
Udah ke bechara, dia iya nadai kena tinggang ukum laban diklasifikasi ke kena tekanan perasaan. Engka kelalu stress kini, tang anang meh ningal ke anak ba tisi jalai. Kira nasit urang ke nemu anak ya nya manah mai ngagai balai pulis, enti urang nya jai enda ka pechuma anak iya ditaban urang. Pecuma ngapa, ketegal ati ke ringgat anak nyau lenyau.. Engka indu tu agi mit suba kala ditinggal ke apai indai iya tisi jalai pelaba aku, nya iya diatu malas ngagai anak iya.. Engku agi mit suba puas dipulas, dipalu, digetil apai indai tang enda meh kempang ngaga baka nya ngagai anak. Enti apa-apa hal ke nyadi legi sapa tusah?? Macam-macam ulah mensia diatu..
So, ngagai sapa-sapa ke nemu laki tauka bini sida ya jampat "hot", anang ngasuh sida deriba entuka, legi enda pasal2 kena tinggal tisi jalai...Bacha silik agi ba NY daily news.
The RoundRaun Times ianya blog pasal jerita pekara ke nyadi ba dunia, menua sereta penemu baru pasal I.T enggau utai bukai. Ditulis ulih Ken, anak iban ke berasal ari Samarahan.
6 iti jaku nuan:
Teringat ke jerita "Hansel & Gretel" maya agi mit suba. Kisah nembiak dua iko ditinggal ke apai sida dalam kampong puang. Happy ending ga cerita tu.
Aku enggai bula, ma ati pedis ke anak dalam kerita agi kelia, bisi kala nyebut jaku tu. Tang enda kempang ga ati lalu ditinggal baka enggi indu ke ba berita nya. Sinu endar ninga tudah anak ke nyu begetar takut di gaga indai sida baka nya.......
Laki ninggal ke bini ditisi jalai udah meh aku ninga! hahaha ketegal besengki penemu nya, enggai enda macam2 ulah ga dalam kerita! Kisah di Kuching tu you(iban couple).....nasip nadai pulis kes, begau sekampung wai! ukai nya besai menua Kuching.......
Hehe, aku empu kala meh jaku munyi nya ngagai bala anak. Nyu enda tan agi ninga bala anak betarauh dalam kerita. Tang nya mina jaku aja, sapa kitai kempang ninggal anak ba tisi jalai? Kitai ka tusah ila. Ba California ditu, anak mit enda tau ditinggal dalam kerita kediri .. mayuh kes orang naban kerita lebuh anak mit ditinggal enda lama dalam kerita .. indai pansut mayar utai enda lama .. sekeda anak mit ditinggal dalam kerita nyu abis mati laban kerita angat ... tiap summer kami ditu bisi aja kes anak mit mati dalam kerita ...
pala tangga-ingat ku jerita nya, sigi cun jerita tu.
Lyana-Bisi bala kami ditu nepan bas tudah bini ari pasar ditinggal ke laki ya ketegal besengki penemu ba kedai cina.. pecuma tudah bini pulai ngena bas 10A..
Puteri-Sigi ngelusu amai nya, anak mit pan ditinggal ba kerita.. kati nda parai kena salai dlm kerita, ukai enda panas nya, macam2 ulah mensia...
Kasih tudah anak. Nama penyadi? Ba Kl tu suba bisi meh cerita anak ditinggal/ dibuai . Setegal belaya laki bini anak di tepu ke apai ia dalam tong sampah ia ga tengah malam. Nasit tukang sapu sampah meda (nasit tukang sapu nya manah) lalu di report ia ngagai polis. Uji nadai urang meda. Ia ga anak ia nya agi baby. Nya baru 'pemadu'! Nyelai apai indai kemaia ari diatu deh. Amai munyi ko Kenergy kelia ambih nemaram sida lengan di cubit indai, nama kabuah salah diri empu bemain sampai enda ingat jalai pulai ke rumah. Sepi asai. Tang nadai kala di tinggal ke sida indai sebelah jalai. Parai kitai, ringat indai kelia di tinggal ke sebelah kampung (ukai nya diau di negeri bisi jalai deh) nya baru parai sapa ke nemu. He..he..
Mama D-Bisi ku macha cerita tu ba news... anak nya d ambi ya ari bonet entuka agi nya... peiii.. anak simpan dalam bonet! Sut pemadu sut! Amat raya nuan wai syok bemain sampai enda ingat jalai pulai, sigi baka anak mit enti bemain, sigi enda ingat dunia...
Post a Comment